काठमाडौं । डोनल्ड ट्रम्पले अमेरिकाका ४५ औँ राष्ट्रपतिका रूपमा २० जनवरी (नेपाली समयअनुसार १०ः४५ बजे) शपथ लिनेछन् । उनी वाशिङटनमा लाखौँ जनताका बीचमा शपथ ग्रहण गर्नेछन् । र, ती जनता समारोहका साक्षी हुने आशा गरिएको छ । अहिले सबैको नजर अमेरिकाको राजधानी वाशिङटनको ह्वाइट हाउसमा छ । औपचारिक रूपमा ट्रम्प राष्ट्रपति हुने समारोहतिर छ ।
प्रत्येक चार वर्षमा निर्वाचित राष्ट्रपतिलाई संयुक्त राज्य अमेरिका मुख्य न्यायाधीशले पदको शपथ गराउँछन् । शपथ २० जनवरीमा अमेरिकी समयअनुसार ठीक मध्यान्हमा दिइन्छ । तब नेपालमा रातको पौने ११ बजिरहेको हुनेछ ।
शपथग्रहणको समय र मितिको निर्धारण पनि अमेरिकी संविधानमा गरिएको छ । पहिले शपथग्रहणको मिति चार मार्चमा थियो । तर, सन् १९३३ मा बीसौँ संशोधनअन्तर्गत मार्चको मितिलाई परिवर्तन गरी फेब्रुअरी बनाइएको थियो ।
अमेरिकामा शपथग्रहण समारोह सत्ता हस्तान्तरणको एउटा हिस्सा हो । यो समारोहपछि पेन्सिलभेनिया एभेन्युमा परेड हुन्छ ।
र, केही कार्यक्रमहरूको सुरुआत पनि ।
यस्तो छ कार्यक्रमको रुपरेखा
– १९ जनवरीमा अमेरिकी समयअनुसार दिउँसो साढे दशबजे (नेपालमा रातको ९ बजेर २० मिनेट) लिङ्कन मेमोरियलनजिक एउटा सार्वजनिक सांगीतिक समारोहको आयोजना गरिन्छ । यसमा डीसी फायर डिपार्टमेन्ट एमरल्ड सोसायटी पाइप्स र द रिपब्लिकन हिन्दू कोएलिशनसँगै हाई स्कुल मार्चिङ ब्याण्डको कार्यक्रम हुनेछ ।
– अमेरिकी समयअनुसार मध्याह्नपछि चार अपराह्न चार बजे ट्रम्प लिङ्कन मेमोरियल कन्सर्टलाई सम्बोधन गर्ने छन् । टोबी किथ र ली ग्रिनवुडले त्यहाँ प्रस्तुति दिनेछन् ।
– साढे तीन बजे ट्रम्प र निर्वाचित उपराष्ट्रपति माइक पेन्स ओर्लिङटन नेशनल सिमेट्रीमा महत्वपूर्ण अमेरिकी हस्तीहरूलाई श्रद्धाञ्जली दिन पुग्नेछन् ।
– शुक्रबार बिहान ट्रम्प ब्लेयर हाउ प्रस्थान गर्ने छन् ।
– बिहान नै ट्रम्प सेन्ट जोन्स एपिस्कोपल चर्च जानेछन् ।
– चर्चबाट फर्किएपछि ट्रम्प ह्वाइट हाउसमा ओबामासँग कफी पिउने छन् ।
– यसपछि ट्रम्प राजधानी शपथ लिने प्रस्थान गर्ने छन् ।
– यसपछि ट्रम्प नेशनल मल परेड अवलोकन गर्न जानेछन् ।
– ट्रम्प ह्वाइट हाउसनजिक सेन्ट जो एपिस्कोपल चर्च जानेछन् ।
– ट्रम्प श्रीमती मेलानियासँग ह्वाइट हाउसमा र प्रथम महिला मिशेलसँग कफी पिउनेछन् । यसपछि उनी गाडीका माध्यमबाट राजधानी प्रस्थान गर्ने छन् ।
– बिहान साढे नौ बजे संगीत समारोहसँगै शपथ ग्रहणका साथ आउनेछन् ।
– दिउँसो साढे ११ बजे कार्यक्रमको शुरुआत औपचारिकताका साथ सुप्रिम कोर्टका मुख्य न्यायधीश माइक पेन्सले उपराष्ट्रपति पदका शपथ दिलाउँछन् ।
– अमेरिकी समय अनुसार दिउँसो १२ बजे ट्रम्प राष्ट्रपति पदको शपथ लिनेछन् । यसपछि ट्रम्पले उद्घाटन सम्बोधन गर्ने छन् ।
– साँझ तीन बजेदेखि पाँच बजेसम्म ट्रम्प र पेन्स २.४ किलोमिटरको परेडमा सहभागी हुनेछन् ।
– रातको सात बजेदेखि ११ बजेसम्म ट्रम्प र पेन्स आफ्ना श्रीमतीसँग तीन उद्घाटन समारोहमा सहभागी हुनेछन् ।
२१ जनवरी
– दिउँसो १० बजे ट्रम्प र पेन्स वाशिङटनस्थित नेशनल कथिड्रलमा धार्मिक प्रार्थना सेवामा सहभागी हुनेछन् । यसै समय ‘द वुमन मार्च’ सुरु हुनेछ ।
क–कस्को उपस्थिति रहनेछ ?
– ओबामा र मिशेल गाडीहरूको समूहमा ट्रम्पसँगै राजधानी औपचारिक समारोहका लागि प्रस्थान गर्नेछन् । त्यहाँ कंग्रेस सदस्यबाहेक नेताहरु र समर्थक भेला हुनेछन् ।
– ट्रम्पसँग निर्वाचनमा पराजय बेहोरेकी हिलारी क्लिन्टन पूर्व अमेरिकी राष्ट्रपति बिल क्लिन्टनसँग यो समारोहमा सरिक हुन सक्नेछिन् ।
– पूर्व अमेरिकी राष्ट्रपति जर्ज डब्लु बुश आफ्नी पत्नी लारा र पूर्व राष्ट्रपति जिमी कार्टर आफ्नी श्रीमतीका साथ समारोहमा उपस्थित रहनेछन् ।
– आठदेखि ९ लाख व्यक्तिले यो सत्ता हस्तान्तरण समारोह अवलोकन गर्ने विश्वास गरिएको छ । यद्यपि धेरै व्यक्ति ट्रम्पलाई समर्थन गर्न जानेछन् या विरोध गर्न यो भने स्पष्ट छैन ।
– ओबामाले जब अमेरिकी बागडोर सम्हालेका थिए तब १८ लाख व्यक्ति वाशिङटन पुगेका थिए । (बीबीसी हिन्दी)