काठमाडौ । ब्राजिलियन स्ट्राइकर नेयमारले निर्णायक गोलमा बार्सिलोना स्पेनिस कोपा डेल फुटबल अन्तर्गत क्वाटरफाइनलको पहिलो लेगमा विजयी भएको छ । बिहिबार राती भएको पहिलो लेगमा बार्सिलोनाले रियल सोसिडाडलाई १ – ० ले पराजित गरेको हो ।
रियल सोसिडाडको घरेलु मैदानमा भएको प्रतिस्प्रधात्मक खेलमा बार्सिलोनालाई जित दिलाउन एक मात्र गोल नेयमारले पहिलो हाफको २१ औं मिनेटमा गरे । दोस्रो हाफमा बार्सिलोनाले घरेलु टोलीलाई दबाबमा राखे पनि थप गोल गर्न सकेन र नेयमारको गोल नै जितको आधार बन्यो ।
यो जितसंगै बार्सिलोनाले कोपा डेल रे फुटबलको सेमिफाइनलमा पुग्ने सम्भावना जीवित राखेको छ । घरेलु मैदानमा हुने क्वाटरफाइनलको दोस्रो लेगअघि बार्सिलोना एक गोलले अघि रहनेछ ।
अब सेमिफाइनलमा स्थान बनाउन बार्सिलोनालाई दोस्रो लेगमा बराबरी खेले प्रयाप्त हुने छ भने रियल सोसिडालाई स्पस्ट जित निकाल्नु पर्ने हुन्छ । दोस्रो लेग आगामी बिहीबार हुनेछ ।