काठमाडौं । बलिउडमा अभिनेता अक्षय कुमार र उनकी श्रीमती ट्वीङकल खन्नाले भर्खरै आफ्नो विवाहको १६ औँ वार्षिक उत्सव मनाएका छन् । चलचित्र उद्योगमा यी दुईको जोडीलाई नमुना जोडीका रुपमा मानिन्छ । 

यी दुवै नै आफ्नो परिवारप्रति जिम्मेबार छन् । आआफ्नो काममा व्यस्त रहेपनि एकअर्काका लागि समय दिन्छन् । बालबच्चाका लागि पनि पर्याप्त समय छुट्याउँछन् । ट्वीङ्कलले आफ्नो विवाहको वर्षगाँठको यो अवसरमा एउटा दुईबीचको गोप्य कुरा खोलेकी छन् । 

उनले विगत १६ वर्षमा उनीहरू एकअर्कालाई मार्ने कोशिश गरिरहेका छन् । तर, यो सम्भव भएको छैन । तर चकित नहुनुहोस् ट्वीङ्कलले यस्तै एउटा रमाइलो भिडियो शेयर गर्दै लेखेकी हुन् । 

वास्तवमा ट्वीङ्कलले आफ्नो ट्वीटर अकाउन्टमा एउटा भिडियो सार्वजनिक गरेकी छन् । जसमा दुई एकअर्कातिर दौडँदै आएको देखिएको छ । घरको भान्छामा एकअर्कासँग हात हालाहाल गरेको देखिन्छ । 

ट्वीङ्कलले भिडियो शेयर गर्दै क्याप्सनमा लेखेकी छन्, “१६ वर्षदेखि एकअर्कालाई मार्ने कोशिश गरिरहेका छौँ, र हामी अहिलेसम्म सफल भएका छैनौँ । विवाहको सोह्रौँ वर्षगाँठ । अक्षय मेरो अपराधमा सहभागी ।” – अमरउजाला