देश

युवालाई स्वदेशमै रोजगारी उपलब्ध छ : उद्योगमन्त्री जोशी

भक्तपुर । उद्योगमन्त्री नविन्द्रराज जोशीले आगामी १० वर्षभित्र देशका युवालाई स्वदेशमै रोजगारीको सिर्जना गर्ने बताएका छन् । भक्तपुरको सूर्यविनायक नगरपालिकाको तेस्रो नगर परिषद्को नीति, बजेट तथा कार्यक्रम सार्वजनिक कार्यक्रममा उनले १० वर्षपछि यहाँका युवाले रोजगारीका लागि विदेश पलायन हुनु नपर्ने बताए ।

उद्योगको विकासले मात्रै अहिले देखापरेको रोजगारीको चुनौतीलाई चिर्न सक्नेमा जोड दिँदै उनले युवा लक्षित उद्योगको विकास जरुरी रहेकाले सरकारको ध्यान यसतर्फ केन्द्रित भएको बताए । मन्त्री जोशीले देशको विकासका लागि सबै एकजुट हुनुपर्नेमा जोड दिए ।

कार्यक्रममा सांसद रामेश्वर ढुङ्गेल, केदार सञ्जेल र अनुराधा थापामगरले स्थानीय निकायको निर्वाचन छिटो गर्नुपर्नेमा जोड दिए । नगरपालिकाका कार्यकारी अधिकृत यामलाल अधिकारीले  आव २०७४-७५ का लागि १९ करोड ४५ लाख ४८ हजारको बजेट सार्वजनिक गरे ।

नगरपालिकाको आन्तरिक स्रोतबाट ६ करोड ५५ लाख, बाह्य स्रोतबाट रु १२ करोड ९० लाख ४८ हजार, चालु खर्चतर्फ पाँच करोड ३५ हजार र पुँजीगत खर्चतर्फ १४ करोड ४५ लाख १३ हजार विनियोजन गरिएको अधिकारीले जानकारी दिए ।

रासस

तपाईंको मत