काठमाडौं । राजधानीमा जारी १२ औं ढोरपाटन डबल लिग महिला भलिबल प्रतियोगितामा न्यु डायमन्ड एकेडेमीले एकल अग्रता बनाएको छ । बुधबार भएको खेलमा रामेछापको चन्डेश्वरी युवा क्लवलाई पराजित गर्दै न्यु डायमन्डले एकल अग्रता बनाएको हो ।
नयाँबस पार्कस्थित भलिबल कोटमा न्यु डायमन्डले चन्डेश्वरीलाई २५–९, २५–११ र २५–८ को सोझो सेटमा पराजित गर्यो । जितसँगै न्यु डायमन्डले ५ खेलबाट १५ अंक जोड्न सफल भएको छ । दोस्रो स्थानको एपीएफको ४ खेलबाट १२ अंक छ । त्यस्तै तेस्रो स्थानमा नेपाल आर्मीले ४ खेलबाट १२ अंक जोडेको छ ।
बुधबार नै सम्पन्न अन्य खेलमा रिड मोडल कलेज र नेपाल पुलिसले पनि सफलता हात पारेका छन् । रिड मोडल कलेजले न्यु डायमन्ड स्पोर्टस् क्लवलाई ३–० को सोझो सेटमा पराजित गर्यो भारतीय राष्ट्रिय खेलाडीको वर्चश्व रहेको रिड मोडलले न्यु डायमन्ड स्पोर्टस् क्लवलाई २५–१४, २५–६ र २६–१२ को सेटमा पराजित गर्दै ३ अंक जोड्न सफल भएको छ ।
त्यसैगरी बुधबार भएको अन्तिम खेलमा नेपाल पुलिसले पश्चिमाञ्चल क्षेत्रीय भलिबल संघलाई ३–१ को सेटमा पराजित गरेको छ । जितसँगै विभागीय टोली नेपाल पुलिसले ६ खेलबाट १२ अंक जोड्न सफल भएको छ । पश्चिमाञ्चल क्षेत्रीय भलिबल संघले ३ खेलबाट ३ अंक नै जोडेकोे छ ।