लण्डन । लण्डन क्लब आर्सनल युइएफए च्याम्पियन्स लिग फुटबलको समूह विजेता बन्दै नकआउट चरणमा प्रवेश गरेको छ ।
च्याम्पियन्स लिग अन्तर्गत मंगलबार राति भएको खेलमा बसेललाई ४–१ ले पराजित गर्दै आर्सनल समूह विजेता बनेको हो । उसले फ्रेन्च क्लब पेरिस सेन्ट जर्मेन (पिएसजी) लाई पछि पा¥यो । आर्सनलको जितमा लुकास पेरेजले ह्याट्रिक गरे । इओवीले एक गोल थपे । बसेलका डुम्वियाले एक गोल फर्काए । बसेलको घरेलु मैदानमा भएको खेलमा पाहुना टोली आर्सनलले आठौं मिनेटमा अग्रता लिएको थियो । पेरेजले आठौं मिनेटमा आर्सनललाई अग्रता दिलाएका थिए ।
१६ औं मिनेटमा पेरेजले नै आर्सनलको अग्रता दोब्बर पा¥यो । पहिलो हाफमा २–० को अग्रता लिएको आर्सनलका लागि पेरेजले ४७ औं मिनेटमा गोल गर्दै ह्याट्रिक पुरा गरे । ५४ औं मिनेटमा इओवीले गोेल गर्दै आर्सनललाई मजवुत स्थितिमा पु¥याएको थियो । खेलको ८० औं मिनेटमा डुमिवियाले सान्त्वना गोल फर्काए । जितपछि आर्सनल समूहको शीर्ष स्थानमा उक्लियो भने पराजित भएको बसेल समूहको पुछारमा रहँदै प्रतियोगिताबाट बाहिरियो । आर्सनलले ६ खेलबाट १४ अंक जोड्यो । यस्तै समूह ए कै अर्काे खेलमा क्लब पेरिस सेन्ट जर्मेन (पिएसजी) लोडोगोरेट्सँग बराबरीमा रोकियो । पिएसज िलोडोगोरेट्ससँग दुई–दुई गोलको बराबरीमा रोकिएको हो । हारको नजिकै पुगेको पिएसजीलाई इन्जल डि मारियाले इन्जुरी समयमा गोल गर्दै हारबाट जोगाएका थिए । पिएसजी १५ औं मिनेटमा मिसिदजानको गोलबाट खेलमा पछि परेको थियो ।
६१ औं मिनेटमा काभानीले बराबरी गोल फर्काए । ६९ औं मिनेटमा वान्डरसनले गोल गर्दै लोडोगोरेट्सलाई पुनः अग्रता दिलाए । अन्तिम एक मिनेट सम्हालिन नसक्दा लोडोगोरेट्सले पिएसजीसँग अंक बाड्यो । बराबरीपछि पिएसजी समूहमा दोस्रो हुदै नकआउट चरणमा प्रवेश गरेको छ । यस्तै च्याम्पियन्स लिग अन्तर्गत मंगलबार राति भएको खेलमा जर्मन क्लब बायर्न म्युनिखले स्पेनिस क्लब एथ्लेटिको मड्रिडलाई हराएको छ । समूह चरणको अन्तिम खेलमा बार्यन म्युनिखले एथ्लेटिको मड्रिडलाई १–० ले हराएको हो ।
समूह ‘डी’ मा रहेको बायर्न म्युनिखलाई जिताउन २८ औं मिनेटमा रोबर्ट लेवान्डोस्कीले फ्रि–किक मार्फत गरेको गोल नै निर्णायक बन्यो । हारसँगै च्याम्पियन्स लिगका समूह चरणका सबै खेल जित्ने सातौं टिम बन्ने एथ्लेटिको मड्रिडको सपना टुट्यो । समूह विजेताको रुपमा अन्तिम १६ मा यसअघि नै स्थान बनाएको एथ्लेटिकोको १५ तथा समूह उपविजेता बनेको बायर्न म्युनिखको १२ अंक छ । राति नै भएको खेलमा पिएसभी एन्थोव र एफसी रोस्तोभले गोलरहित बराबरी खेले ।