काठमाडौं । सरकारले २ जलविद्युत् आयोजनाबाट ८० मेगावाट विद्युत् उत्पादन गर्न निजी क्षेत्रलाई अनुमतिपत्र (लाइसेन्स) दिएको छ ।
ऊर्जा मन्त्रालयले ३७ मेगावाटको राहुघाट मगाले आयोजनाबाट विद्युत् उत्पादन गर्न तुँदी पावर कम्पनीलाई लाइसेन्स दिएको छ । अर्को ४३ मेगावाटको माथिल्लो न्यासिम खोलाबाट बिजुली उत्पादन गर्न सिन्धुज्वाला हाइड्रोपावरलाई लाइसेन्स दिएको छ । दुवै आयोजनाबाट विद्युत उत्पादन गर्न ऊर्जाले २५ वर्षका लागि लाइसेन्स दिएको हो । दुवै आयोजना स्वदेशी लगानीमा बन्न लागेका हुन् ।
सरकारले हालसम्म ११५ आयोजनाबाट ३ हजार ३४१ मेगावाट बिजुली उत्पादन गर्न लाइसेन्स दिएको छ । लाइसेन्स दिएका मध्ये धेरै आयोजना निर्माण सुरु भइसकेका छन् । अन्य आयोजना विभिन्न चरणमा रहेको विद्युत् विकास विभागले जनाएको छ ।
हालसम्म ६१ आयोजना सम्पन्न भई जडित क्षमता ९४२ मेगावाट पुगेको छ । चालु आर्थिक वर्षमा सरकारले २ सय मेगावाट बिजुली उत्पादन गर्ने लक्ष्य लिएकोमा हालसम्म ९६ मेगावाट पुगेको छ ।