काठमाडौं । प्रधानमन्त्री पुष्पकमल दाहालकी पत्नी सीता दाहाल अस्पताल भर्ना भएकी छन् ।
आइतबार बेलुकादेखि पखाला चल्न थालेपछि प्रम पत्नी काठमाडौँको नर्भिक अस्पतालमा उपचारार्थ भर्ना भएकी हुन् । उपचारमा संलग्न चिकित्सककाअनुसार बिरामीको अवस्था सामान्य छ भने शरीरमा कमजोरी देखिएको छ ।
“आइतबार बेलुकाबाट एक्कासी पखाला चल्न थालेपछि उहाँलाई अस्पताल भर्ना गरिएको हो, अहिले अवस्थामा निकै सुधार आइरकेको छ,” छोरी रेणु दाहालले जानकारी दिइन् ।
प्रधानमन्त्री पत्नी नर्भिक अस्पतालको ‘प्राइभेट वार्ड’ मा भर्ना भएकी छन् । सो वार्ड महंगो रहेको र प्रतिदिन ३० हजार शुल्क लाग्ने अस्पतालले जानकारी दियो ।
दाहालको उपचारमा चिकित्सक जेपी जयसवाल संलग्न छन् । पखाला लागेपछि निकै कमजोर देखिएकी उनलाई केहीदिन आराम गर्न चिकित्सकले सुझाव दिएका छन् ।